Nyhende — 18 oktober 2015
Songlaget Stordabuen  syng  Beatles i sitt 80. år.

Songlaget Stordabuen syng Beatles i sitt 80. år.

Fengjande frisk opning med «Stg. Peppers Lonley Hearts Club Band», rett over i «With a little help from my friends». Så kom Beatles-perlene trillande frå eit smilande opplagt Stordabuen, tone- og rytmefølgt av eit stødig godt band: «She loves you», «I feel fine», And I love her», «Help», «Norwegian wood» og alle dei andre kjenningane frå Liverpool-gruppa si stordomstid på 60-talet. Frå frøste akkorden var publikum i ein fullsett storsal i Kulturhuset sterkt medverkande til at premieren på «Stordabuen syn Beatles» vart ei nostalgisk godstund av best ønskjeleg merke. Nynning, klapping, rytmiske føter i arbeid, medsong og applaus med sterke innslag av jubel. Strålande klare bevis på at kveldens publikum har hatt Beatles-musikken som følgjesvener over lang tid. Og kanskje dukka det opp gode minne frå åra den nye musikken med firestemt song tok over etter Chuck Berry og Shadows.

I god Stordabuen-tradisjon var konserten bygt opp med songar frå heile koret, med solistinnslag der publikum vart kjent med nye gode røyster, og med samsong mellom solistar og songlag – og musikk. Dirigent Torleiv Agdestein har arrangert det meste av låtane for kor og band og det er berre å bøya seg i djup vyrnad for musikaliteten, og for intensiteten som blir skapt på scenen.Songarane leverte Beatles med både smil og stil. Kledde tidsrett. Jentene i skjørt og kjolar, gutane i kvitskjorta og smalt slips, slik skikkar var når ein gjekk strigla på dans i Turnhallen eller Samfunnshuset.

Denne laurdagskvelden, som nesten kvar laurdagskveld for vel 50 år sidan, var det Olav Skorpen, Per Øystein Kannelønning og Åge Ottesen (Chiclets) som spelte Beatles – no supplert av Dag Ove Sleen og Ståle Tesdal frå Bite.
Innimellom musikk og song og allsong, gav Dag Bergsvåg eit triveleg attersyn med året 1963 – då Beatles kom til Stord via Radio Luxemburg.

Programheftet (heilt gratis) som blei delt ut til publikum, fortel både soga om 80-års jubilanten Songlaget Stordabuen og soga bak låtane som blir farmførte. Veldig bra og informativt, med hyggjeleg slutthelsing frå songarane: All you need is love – Alt du treng er kjærleik. (To sjansar att til å få med deg konserten – onsdag og søndag)

Under heile konserten rullar tidsrette biletet frå  60-talet  opp  på bakre scenevegg.  Her  ungdomsbilete av Chiclets.

Under heile konserten rullar tidsrette biletet frå 60-talet opp på bakre scenevegg. Her ungdomsbilete av Chiclets.

Share

About Author

Steinar Hystad

(0) Readers Comments

Comments are closed.