Ordensbror Haavar Simon
Stord folkebibliotek og Stord kyrkjeakademi har invitert ordensbror Haavar Simon til å kasta eit skråblikk på reformasjonen – sett frå katolsk perspektiv.
2017 er sjølve Luther-året, det året då dei protestantiske kyrkjene markerer 500 årsjubiléet for «startskotet» for reformasjonen, då Martin Luther publiserte sine 95 tesar mot avlatshandelen. Og ikkje berre kyrkjene jubilérer; i Tyskland vert dette markert med storslagne arrangement med mange slag fokus.
Men korleis ser reformasjonen ut frå katolsk perspektiv? I det protestantiske Nord-Europa har det vore lite interesse for dette, endå dei tankane, reaksjonane og refleksjonane som reformasjonen har vekt gjennom dei 500 åra innan den katolske verda i høgaste grad skulle kunna utvida dei protestantiske synsmåtane.
Vi kjenner alle til krigane som fylgde i fotefara åt reformasjonen. 30-årskrigen herja Mellom-Europa, og særleg Tyskland, og førde til ufattelege lidingar, for alle partar. Tiltaka mot katolisismen var mange og harde hjå oss i Skandinavia; vi kan berre tenkja på at «jesuittparagrafen» i vår eiga grunnlov stod ved lag like til 1956.
Tida er meir enn mogen for å stilla spørsmåla: Kva oppfatningar og kjensler har dette vekt på katolsk hald? Og korleis har desse endra seg oppgjennom århundra som har gått sidan reformasjonen?
Desse spørsmåla, og mange til, vonar vi at Bror Haavar Simon kan gje oss svar på. Han er ordensbror i dominikanarordenen i den Katolske kyrkja, og bur no saman med brørne i St Dominikus kloster i Oslo. Av mange vert han sett på som «arvtakaren» etter Arnfinn Haram. Yrkesmessig har han ein allsidig bakgrunn, m.a. som som tømrar, teknikar og landskapsarkitekt. Mange vil òg kjenna han som fast spaltist i «Klassekampen».
Møte, som er eit samarbeid mellom Stord folkebibliotek og Stord kyrkjeakademi, vert halden torsdag 23. februar på biblioteket i kulturhuset.
Andre nyhende
Støtte til 89 trus- og livssynssamfunn i Stord
oktober 23, 2017
Snart 25 000 innskrivne i Kvelve
oktober 22, 2017
«Leia som historieforteljar»
oktober 21, 2017
Informasjonskveld om digital mobbing
oktober 20, 2017
Kraftmøblar frå Stord-skogen
oktober 20, 2017
Hywind Scotland er opna
oktober 19, 2017
Også reservevatnet vårt skal ha beste kvalitet
oktober 18, 2017
Klangboltane syng amerikansk på norsk, på Arena
oktober 18, 2017
Sommaren gav rekordvekst for reiselivsnæringa
oktober 17, 2017
Erik Moll til viseklubben
oktober 17, 2017
Byggjer gapahuk ved Hauglandskverna
oktober 16, 2017
Stord i prisvinnande lærebok i historie
oktober 15, 2017
Julemesse i Kulturhuset
oktober 13, 2017
Ysst jubilerer og feirar med ny konferanse
oktober 13, 2017
Reduserer utslepp og sparar drivstoff
oktober 13, 2017Share
About Author
(0) Readers Comments
Kort sagt
Knallraudt i haust
Etter eit kvileår i fjor står Kristtornkommunen Stord fram i knallraudt denne hausten. Berre til å nyta synet – (og så kan det godt nemnast i godt lag at holly = kristtorn og at det er Stord og Hollywood som er dei mest kjende kristtornbyar i verda)
To sider av å halda Stord rein
«Hjelp oss å halda byen vår rein», er oppmodinga påklistra ein del sentrale boskorger i kommunen – og det er byfolket blitt ganske så flinke til når tilhøva ligg til rette. Eit døme er boskorga i austre sving ved Stord Stadion, den er stuvande full og vel så det. Den andre side av same sak, viser seg i form at manglande bosskorg ved gangvegen rundt Vikastemmo. Der står berre «fundamentet» att . Men dette er nok ting som vil bli rydda opp i ganske snart, vil me tru.
Beredugnad på Heio
Store og små tok sine bører då material til det som skal bli gapahuk ved Speidarhytta på nedre Heio vart bore på plass laurdag.
Ut av cupen med publikumsrekord
Stabæk vart for sterke for Stord Jenter 16 i semifinalen i NM-cupen på Vikahaugane laurdag ettermiddag. Med 4-0 sikra gjestene seg finaleplassen – men heimelaget ytte Stabæk tidvis godt motstand og hadde fleire målsjansar. Ein fotballfest vart det uansett, og med mellom 600 og 700 på tribunen vart dette publikumsrekord for ein fotballkamp på Stord denne sesongen.
Stord berga plassen
Herrelaget til Stord sikra i dag plassen i tredjedivisjon med 5-1-siger over Haugesund 2. Meldinga blei motteken med jubel av dei mange tilskodarane som var samla til jentekamp på Stord stadion.
Støtte til NM for fjordhestar
Hyggjeleg lesnad for Hestesportsenteret på Tyse i fylkesrådmannen sitt forslag til budsjett for 2018: – Stord hestesportslag får 50 000 kr til NM i ulike greiner innanfor hestesport for fjordhestar,
Styrkjer Sunnhordland Museum
Budsjettet til Sunnhordland museum vert styrkt med 600 000 kr frå fylkeskommunen i 2018, og tilskotet vert på 2 806 000 neste år. Fylkesrådmannen legg til grunn at det vert ei vidare styrking dei næraste åra.
Fylkeskommunen føreset at stat og kommune medverkar på tilsvarande vis til å styrkja budsjetta til Museum vest/Bergen sjøfartsmuseum og Sunnhordland museum.
