Ønskjeleg med fleire rotasjonar for ruta Stord – Oslo.
Kan Sunnhordland Lufthavn AS og eigarane, Stord kommune (79%) og Hordaland Fylkeskommune (21%) leggja 3 til 5 millionar på bordet til kjøpt av flytenester, kan det igjen bli 15 rotasjonar Sørstokken-Oslo i veka. For tida er det 11 rotasjonar med Stordflyet, og starten på året har tidvis vore tøff og turar har gått med tap. Tapet tek DAT sjølve, sidan dei fyk på eigen risiko – dette har også gjort at dei har redusert rutetilbod for i tida.
Desse opplysningar la styreleiar i lufthamnselskapet Dag Aksnes, fram i ei orientering til Stord kommunestyre torsdag. Der vart det også opplyst at det lufthamna har kutta i kostnader for å koma i takt med reduserte inntekter siste året. For å få budsjettet i hamn har tilsette sagt seg viljuge til å m.a. å ta reinhaldet på dugnad, for å sikra arbeidsplassane. Aksnes fullroste mannskapet på flyplassen for fleksibilitet i jobbane.
– På dette området jobbar Stord lufthamn så lurt og godt at det kjem telefonar frå flyplassar rundt i landet som spør etter råd og tips.
Også flyplassen merka nedsving i oljenæringa i fjor, men nådde likevel 43.000 passasjerar, og med det vart 2016 femte beste året i den sunnhordlandske luftfartssoga.
Med turvande millionar til rådvelde, kan lufthamna kjøpt flytenester og såleis sjølve avgjera rutefrekvansar. Det er eitt av måla for den vidare drifta av flyplassen i Sørstokken.
Andre nyhende
Må vurdera krinsgrensene i Stord på nytt
august 16, 2017
Turbinane vel plasserte på Buchan Deep
august 16, 2017
Maria Parr og Anna Fiske til årets barnebokfest på Stord
august 16, 2017
Krev fortgang i Hordfast-prosjektet
august 15, 2017
Røyra som gav tjødno namnet
august 15, 2017
Studiestart på Høgskulen på Vestlandet
august 14, 2017
Heller syden enn ferie i regn – færre båtgjester i år
august 14, 2017
50 atletar i tevling på stadion
august 13, 2017
Drøftar felles bruk av fjellet
august 12, 2017
1700 studentar på Stord
august 11, 2017
Simon fra Stord vil gjera Oslo-elevar svoltne på realfag
august 11, 2017
Ønskjer fleire bussruter søndagane
august 10, 2017
Første funn av knerot i Stord – på Huglo!
august 10, 2017
Fotoutstilling på Fitjarfestivalen
august 09, 2017
Arbeider stadig for bok med busetnadssoga for Stord
august 09, 2017Share
About Author
(1) Reader Comment
Kort sagt
Veloppdragne sauer
Stordnytt observerte kl 14.10 i dag nokre sauer på frifot ved Grov. Dei var veloppdragne og heldt seg fint på gang- og sykkelvegen, men bør kanskje hentast heim.
Har to på «Tinget» no
Tidlegare ordførar i Stord, stortingsmann Magne Rommetveit er som førstemann på Hordaland Ap si valliste på meir enn sikker plass for ein nye periode på Løvebakken etter valet 11. september. Onsdag vart det presentert ny måling for fylket som viser at han kan få følgje av tidlegare ordførar Liv Kai Eskeland, som har sjetteplassen på Høgre-lista. Nett no er partiet inne med fem mandat – men dersom Solberg held skansen som statsminister – rykkjer Eskeland opp og inn på Hordalandsbenken. Hordaland Ap vil etter den nye målinga få fire plassar i Stortings-salen.
Flest Stord-bilar på diesel
Oversyn frå Statistisk Sentralbyrå ved inngangen til 2017, viser at 52,5 prosent av bilane som er registrerte på stordabuar har diesel på tanken. Fordelinga er slik: diesel 4423 bilar, bensin 3687 bilar – medan 308 bilar går på el-kraft.
Vidare arbeid for privat ferjedrift
Samferdsledepartementet har svart fylkeskommunen at Noreg kan bli stevna for brot på EØS-avtalen dersom ein gir avslag på søknad om privat ferjedrift. No vil Dagfinn Fylkesnes jobba vidare med planane for privat ferjedrift mellom Sunde og Jektavik, skriv Kvinnheringen.
Lurt med nokre ekstra minutt
Tips til den som planlegg heimtur frå Bergen med eigen bil i rushtida:
– Det kan vera lurt å leggja inn så mykje som ti minutt ekstra i køyretid, fordi det har ein lei tendens til å laga seg til med lang og tidvis stilleståande kø før rundkøyringa i Ulvenkrysset, avkøyrsla mot Halhjem.Ingrid Haukelidsæter stiller ut på Giga
«Forlenget sommer» av Ingrid Haukelidsæter, blir siste sommarutstillinga på Galleri Gita i Osen. Utstillinga opnar komande laurdag..
Haukelidsæter er født i Stavanger, der ho også bur og arbeider i dag. Ho har utdanninga si frå Kunstskolen i Rogaland og Villa Arson Nice, l’Ecole Pilot Internationale d’Art et de Recherche. Ho har bak seg ei rekkje utstillingar i inn og utland, m.a på Galleri Sult, Galleri Guddal, Brasils Nasjonalmuseum og i Estland. I tillegg til utsmykking m.a av NAV, Oslo og Stavanger nye DPS er kunsten hennar kjøpt inn m.a til den norske ambassaden i Beirut og til Regjeringen sin representasjonsbolig i Oslo.
Tittelen «Forlenget sommer» er også tittelen på eit av litografia som blir vist på utstillinga og beskriv tida me no går inn i. «Det er en vakker tid», seier Haukelidsæter
Skogatufto godkjent
Skogatufto barnehage har vore gjennom totalrenovering og er blitt utvida, – og har no fått si godkjenning til bruk frå den barnehageansvarlege i Stord kommune. Med eit inneareal på 346 rutemeter, tilsvarar det 86 storbarnsplassar. -Fastsetjing av areal er gjort med bakgrunn i vurdering av om arealet er eigna til føremålet etter krav i barnehagelova. Den vedtektsfesta norma til eigar for arealnytting per barn over 3 år er 4 m2, og per barn under 3 år 5,3 m2, går det fram av godkjenningsskrivet.
Ikkje så ofte med rast her?
Kva instans som plasserer rasteplassborda langs turstiane våre er me litt usikre på, men ut frå tilstanden rundt rasteplassen ved Røyrtjødno kan det sjå ut som om få tek seg rast akkurat der. Kanskje det flotte bordet kan gjera betre nytte ein annan stad? (Dette var tankar som slo ein forbipasserande no i helga.)
3500 på Utdanningsmessa
– Kommande messe vert den 28. som klubben vår arrangerer for ungdom frå heile Sunnhordland og som skal søkje vidaregåande opplæring eller høgskule/universitet. Til saman møter omlag 2500 elevar og 1000 andre desse to messedagane. Til messa i 2017 møtte det fram 65 utstillarar, skriv Stord Rotaryklubb når dei no inviterer stordordføraren til Utdanningsmessa 2018. Den blir so dei føregåande, halden i Stord Idrettspark og dagane er 23. og 24 januar.
Bildør og møblar i lendet
Ei tilsynelatande nylakka varebildør og diverse møblar står/ligg klare til henting på parkeringsplassen ved kommunen sitt anleggslager på Valvatna. Det går mot vinter, så det kan vera greitt å få ting i hus, eller få det levert på miljøstasjonen til SIM på Heiane dersom døra og stolane ikkje lenger har nokon nytteverdi .
Pingback: Kjøper flyseter