Det store følgjet som blei med DS «Stord 1» på historisk tokt fredag, kunne ikkje hatt det betre.
Balustradedekket akter, oppe på dampskipet «Stord 1» er ein framifrå stad å vera ein vakker og varm seinsommardag i Sunnhordland. Det kunne dei rundt hundre som blei med på historisk reise fredag skriva under på.
Veteranskipet anno 1913 tok følgjet med seg frå Leirvik, gjennom Fjelbergsund, Ølen, Etne og til slutt i Skånevik. På alle stader helsa den gamle skuta med dampfløyta. Akkurat denne ruta var stoppestad for båtane i Sunnhordland Snøggrute. Iallfall fram til MS «Sunnhordland» avløyste ruta.
Dei reisande fekk fredag vera med på eit historisk tokt i regi av Stiftelsen D/S Stord, som eig og driv båten. Pensjonistar og medlemmer frå historielag i Nordhordland og Sunnhordland var på passasjerlista, i det som var eit nytt prøveprosjekt. Dagleg leiar Harald Klinge hadde konklusjonen klar før skipet var returnert til Leirvik: Det blir nye turar!
Andre nyhende
Feiring av dansens dagar
april 23, 2018
Hogstryddeved
april 23, 2018
I Peder sine fotspor
april 22, 2018
Fotballfest på Nysæter
april 22, 2018
Sele og Sagvåg musikklag leverte varene
april 21, 2018
Etterlyser igjen trafikksikring ved Storavatnet
april 20, 2018
Kyrkjeberget i nyfjelga vårdrakt
april 20, 2018
Sprikande søkjartal for Campus Stord
april 19, 2018
Venelag for M/F «Hardangerfjord»
april 19, 2018
Tak over rasteplassen ved Hauglandskverna
april 18, 2018
Kan mista vatnet eller få redusert trykk
april 17, 2018
Ikkje til venstre mellom klokka 14 og 17
april 17, 2018
80 meter mølleblad mot Midtfjellet
april 17, 2018
Jazzklubben med barnekonsert og kyrkjekonsert
april 16, 2018
Må ta omsyn til grunnmur og steingard
april 16, 2018Share
About Author
(1) Reader Comment
Kort sagt
Den store asfalteringsdagen
Måndag er det full asfalteringsaktivitet både i og rundt Leirvik sentrum. På biletet ser me at fortauet og busslomma rett over vegen for Stord kyrkje er i ferd med å få nytt dekke. Samstundes blir same jobben utført både ved kulturhuset og i Skrivarvegen.
Høge løft
Mykje skjer i høgda om dagen i Leirvik sentrum. Her er eit situasjonsbilete frå Borggata tidleg måndag morgon.
Grøn plen på dagen…
I løpet av nokre timar fredag vart det rulla ut ny plen med frisk grønfarge i parken ved Bandadalsplassen. Dette som fint «plaster på såret» etter omfattande gravearbeid i området.
Buss-skyss
Her ein dag det seg soleis arta
At bussmotoren ikkje ville starta
Då måtte bussen til Skyss
– ordna seg eigen skyssster
Tid for å søkja kulturskulen
Stord kulturskule har denne våren om lag 820 elevplassar, men håpar å få plass til endå fleire etter opptak av nye elevar som kan starte opp i august. Skulen har eit omfattande tilbod, også for ungdom og vaksne. Søknadsfristen er 1. mai – og meir informasjon er å finna på heimesida til Stord kommune – under nyhende.
Info om silingsrapporten
I Stord kommunestyre sitt møte komande torsdag, blir det innleiingsvis informasjon ved Helge Hopen, om silingsrapporten for (nye) ferjesambandet Stord – Kvinnherad. Kommunestyra er opne for publikum (start kl. 1400).
Ingen utslag
I ein promillekonntroll i Sagvåg søndag vart 134 bilførar bedne om å «blåsa i ballongen» – men ingen utslag. Strålande bra.
Sliten sofa i vegkanten
Ikkje veit me om det er denne politiet brukar å sitja i når dei har kontroll ved Vikastemmo.
Mes truleg ikkje.
Men i helga har iallfall denne gamle, slitne sofaen stått ved den vesle lomma ved Leirvik skule.
Rett adresse er SIM, Heiane vest.
99 kontrollerte
99 bilførarar vart stoppa og måtte blåsa i alkometeret til politiet i ein promillekontroll halden ved Digernes på E39 laurdag føremiddag. Ingen utslag og ingen reaksjonar. Slik skal det vera.
Falske kjennemerke
I Sagvåg, natt til søndag, kom politipatruljen over en motorsykkel påsett falske kjennemerke. Skiltet viste seg å tilhøyra ein moped. Motorsykkel inntaua og sak oppretta, går et fra av politiloggen.
Pingback: «Stord I» dampar inn i nytt aktivt år | Stordnytt