Trioen: Svein Olav Herstad, Magne Thormodsæter og Håkon Mjåset Johansen. (Foto: Magne Langåker)

Dei to konsertane  i  Flygelfest1, med den klassiske biten fredag og jazzen søndag, er gode garantiar  for at det blir mykje å gleda seg til framover i Kulturhuset –  av  tonar og klagar i ymse sjangrar.  

 Leiar  i Stord jazzklubb, Olav Fjell,  lova   jazzhøgtida då han ønske  velkomen til musikalske møte med  duoen Vigleik  Storaas (piano)  og Tor Yttredal (saksofon) og  trioen Sven Olav Herstad (piano) Magne Thormodsæter (kontrabass)  og Håkon Mjåset Johansen (Trommer).  Og ei ny musikalsk høgtid blei det,  levert og servert  av så dugande og proffe karar at det berre var å lena seg tilbake i gode stolar og nyta.

Jazzpianistane let til å storkosa seg på det nye Steinway-flygelet, noko dei også gav munnleg uttrykk for.   – Eit stasinstrument.  

Sven Olav Herstad  sa som sant er at Stord er ein musisk stad. Han trudde til og med hestane på øya var musikalske!   Saksofonist  Tor Yttredal med stordoppvekst  meinte det var beint naturleg med eit  flygel av høgs klasse ein mangfaldig tettstad, der det til dømes, og utan samanlikning elles, er tett i tett med kunstgrasbanar for dei som driv syslar i den lei.

Duoen: Vigleik Storaas og Tor Yttredal. (Foto: Magne Langåker)

Bassist Magne Thormodsæter er også stordabu  og både han og Yttredal  baud  saman med sine med musikarar på  eigenkomponsisjonar. Smekre saker .  Endå ei stadfesting på  høg musikalitet på øya, fekk eit  takknemleg  publikum (ca 200) då  saksofonist Ole Jakob  Hystad  var solist  i siste låten  med trioen – før ekstranummeret.

PS: Berre det å kunna sitja  slik i stor stille  sal  utan eit forstyrrande element der  den handspelte musikken har hovudrolla, er  sjelegode saker.  Så var det då også mange smilefjes som fortlet storsova søndag kveld.