M/Kr «Norfolk» – ex «Elding» – er bygt ved Grunnar Djuve Båtbyggeri på Skotberg på Leirvik i 1945. (Foto: TV2)
– Kor kan ho ha blitt bygt den der skøyto «Gutta på tur» var på fisketur med? Blei sagt i det populære TV 2-programmet at ho var verna og kom frå Stord.
Dette var spørsmålet stordnytt.no fekk frå fleire lesarar med sterke lokalmaritime interesser. Nettavisa lova karane svar.
Namnet på båten og reiaren fekk med snart tak i via ein hjelpsam programleiar Arne Hjeltnes. Motorkutteren (M/Kr) har ei lang tid hatt namnet «Norfolk» og er i eige hjå Reidar Nilsen, i Finnmark. Nilsen var fleire år leiar i Fiskarlaget, og «ror feske» framleis. «Norfolk» fekk for ein del år sidan Riksantikvaren sin vernestatus, etter seglinga i fraktefarten aust i Finnmark i det storstilte arbeid med gjenreisinga av kystsamfunna der etter krigen. Båten blir i dag brukt i turistfiske.
«Gutta på tur» opplyste at «Norfolk» – ex «Elding» – er bygt på stord og er no i klassen for verna farty. (Foto: TV2)
– Men kor vart båten bygt på Stord?
I eit oversyn frå Nord-Norsk Fartøyvernsenter i Gratangen, der kutteren var til overhaling i åra frå 2009 til 2014 står det at verftet var Eldøy mek. Verkstad og byggeåret 1943. Men på verkstaden ved Eldøysjøen er svaret nei, på spørsmål der er laga båter. Etter nokre fleire telefonar og søken, kan det slåast fast at verftet låg på Skotaberg i Leirvik hamn, der Gunnar Djuve dreiv rimeleg stort med trebåtbygging på 1930 og 40 talet. Den 55 fot lange kutteren vart bygt for Jens Eldøy, vart døypt «Elding» og brukt i lokal frakfart før han vart seld og enda nordpå.
– Framleis ei god og fin skøyte, seier reiar Nilsen.
Andre nyhende
Støtte til 89 trus- og livssynssamfunn i Stord
oktober 23, 2017
Snart 25 000 innskrivne i Kvelve
oktober 22, 2017
«Leia som historieforteljar»
oktober 21, 2017
Informasjonskveld om digital mobbing
oktober 20, 2017
Kraftmøblar frå Stord-skogen
oktober 20, 2017
Hywind Scotland er opna
oktober 19, 2017
Også reservevatnet vårt skal ha beste kvalitet
oktober 18, 2017
Klangboltane syng amerikansk på norsk, på Arena
oktober 18, 2017
Sommaren gav rekordvekst for reiselivsnæringa
oktober 17, 2017
Erik Moll til viseklubben
oktober 17, 2017
Byggjer gapahuk ved Hauglandskverna
oktober 16, 2017
Stord i prisvinnande lærebok i historie
oktober 15, 2017
Julemesse i Kulturhuset
oktober 13, 2017
Ysst jubilerer og feirar med ny konferanse
oktober 13, 2017
Reduserer utslepp og sparar drivstoff
oktober 13, 2017Share
About Author
(0) Readers Comments
Kort sagt
Knallraudt i haust
Etter eit kvileår i fjor står Kristtornkommunen Stord fram i knallraudt denne hausten. Berre til å nyta synet – (og så kan det godt nemnast i godt lag at holly = kristtorn og at det er Stord og Hollywood som er dei mest kjende kristtornbyar i verda)
To sider av å halda Stord rein
«Hjelp oss å halda byen vår rein», er oppmodinga påklistra ein del sentrale boskorger i kommunen – og det er byfolket blitt ganske så flinke til når tilhøva ligg til rette. Eit døme er boskorga i austre sving ved Stord Stadion, den er stuvande full og vel så det. Den andre side av same sak, viser seg i form at manglande bosskorg ved gangvegen rundt Vikastemmo. Der står berre «fundamentet» att . Men dette er nok ting som vil bli rydda opp i ganske snart, vil me tru.
Beredugnad på Heio
Store og små tok sine bører då material til det som skal bli gapahuk ved Speidarhytta på nedre Heio vart bore på plass laurdag.
Ut av cupen med publikumsrekord
Stabæk vart for sterke for Stord Jenter 16 i semifinalen i NM-cupen på Vikahaugane laurdag ettermiddag. Med 4-0 sikra gjestene seg finaleplassen – men heimelaget ytte Stabæk tidvis godt motstand og hadde fleire målsjansar. Ein fotballfest vart det uansett, og med mellom 600 og 700 på tribunen vart dette publikumsrekord for ein fotballkamp på Stord denne sesongen.
Stord berga plassen
Herrelaget til Stord sikra i dag plassen i tredjedivisjon med 5-1-siger over Haugesund 2. Meldinga blei motteken med jubel av dei mange tilskodarane som var samla til jentekamp på Stord stadion.
Støtte til NM for fjordhestar
Hyggjeleg lesnad for Hestesportsenteret på Tyse i fylkesrådmannen sitt forslag til budsjett for 2018: – Stord hestesportslag får 50 000 kr til NM i ulike greiner innanfor hestesport for fjordhestar,
Styrkjer Sunnhordland Museum
Budsjettet til Sunnhordland museum vert styrkt med 600 000 kr frå fylkeskommunen i 2018, og tilskotet vert på 2 806 000 neste år. Fylkesrådmannen legg til grunn at det vert ei vidare styrking dei næraste åra.
Fylkeskommunen føreset at stat og kommune medverkar på tilsvarande vis til å styrkja budsjetta til Museum vest/Bergen sjøfartsmuseum og Sunnhordland museum.
