Nyhende — 11 februar 2018

 

Gutta på tur frå Stord, var sist torsdag på historisk vandring i Wichmann-smia. Ein bilkolonne med 36 spreke eldre tok ut frå Vabakken mot vest. På Rubbestadneset stod ein velvillig Jan Willy Folgerø- Holm og hjelparar frå «Veteranlaget Wichmann-Wartsila», og losa oss inn i eit moderne mediarom. Her fekk me høyra unike radioopptak frå 1936 frå grunderane som fortalde om  motoreventyret som starta med ein 2-hestar i 1903, supplert med flotte bileter frå samtida.

Smia på Rubbestadneset.

Etter denne sekvensen gjekk nokre direkte til omvising i smia og resten tok ein 2 km rundtur i nærområdet. Nista med noko attåt,  åt me i orienteringssalen mens Folge-Holmy fortalde om bygget, finansieringa og oppdrag som veterangjengen utfører. Eit av dei store oppdraga i desse dagar er full overhaling på ein motor som skal monterast i veteranferga, «MS Folgefonden» Vidare fekk me siste nytt om dei store og spanande planane med teknologisentret på Rubbestadneset. Etter matøkta fordelte me oss att, og restgjengen fekk omvising i  smia og reperasjonshallen som dei nyttar. Me takkar dei involverte for ein god dag, der me registrerte at restarbeidsevna og sosialt fellesskap har skapt allmennyttige verdiar på Rubbestadneset.

 

Oddbjørn Kvålsvold

turleiar

Share

About Author

(0) Readers Comments

Comments are closed.