Som ein del av oppgåvene i samband med berekraftige dagar på Stord Vidaregåande,  har elevane oversendt  ordføraren eit eige forslag til  miljøplan for Stord kommune. Ein av ideane for ei grønare øy i framtida, kan vera forbod mot bereposar i plast.

Til neste kommunestyremøte  har  Kjellbjørg Lunde (SV) meldt spørsmål til ordføraren om kva han/kommunen har tenkt å gjera av lokal innsats for å reinska opp i alt plastavfallet som  ligg til alt anna enn pryd i naturen. Eit tips frå Lunde er å drøfta mogleg innføring av forbod mot plastbereposar.

Det var miljøomsyn som låg til grunn då kommunestyret nyleg sa nei til sal av gassballongar på kommunale grunn.